Friday 27 May 2011 ♥ Head.
Assalamualaikum~
okay sekarang aku penat. Bejaur dari pagi sampai malam membagi lalah.. Tapi bukan atu yang buatkan ku rasa kan blogging. Lately, semenjak cuti ani aku selalu headache. Bukan headache kecil but migraine. Macam biasa, aku talan actifast saja. Aku just assume pasal too much main laptop. Memanjang. Arah laptop main facebook, tumblr, twitter, gosip2 artis. Liat cerita pun sudah pakai laptop. Macam inda kana gunai g tivi kami ruang tamu atu.
Sekali taim kami jalan tadi, dalam 9.30pm atu aku rasa sakit. Tapi bukan headache. Aku pun nda tau how to explain, yang penting asal ku batuk (yep aku masani batuk-batuk sisa damamku) and ketawa naik ke kepala. Stressingnya atu di kepala, macam otakku begagar kana arah tempurung kepala. Tapi aku nda headache. Sampai ani masih.. :-( aku rasa sedih masani kenapa jadi cani. Kan gtau babu ia tidur sudah. Kan gtau aji ia musim exam masani aku nda mau distract ia. Jalan penyelesaiannya ganya bawa tidur..aku buleh lupakan kesakitan ani... ;-(
I smiled @ 01:23
Monday 23 May 2011 ♥ things happened.
assalamualaikum.
hmm, pukul 4am sudah. still up, baru selesai revision Bulan sabit merah. kami exam esok. mudahan saja everything goes well. sygku pun start his final exam ni 23mei. hope you're doing well boo.
of course, kalau blogging ani, iatah maksudnya time aku jiwa kacau. aku inda selalu post everything here. maksudku, not macam previous blog ku yang aku keep everything up to date. pasal masani aku rasa makin tua? :-p ha ha. aku biasa layan Tumblr saja.
but today... macam tajukku, things happened. peristiwa 2008 berulang lagi hari ani. :-( si muncui kena langgar kereta :""( babah inda sengaja terlanggar. dulu si nadin. lumpuh hatiku tadi sekajap mendangar. kalau masa si nadin, babu yang terlanggar ia. macam biasa, aku control. entah, aku paling ego dengan familyku. maluku kan menangis depan dorang, as in, setaie kabal? hmm... kalau si nadin dulu, aku ingat masih, babu sama babah betangisan menanam ia. iatah kucing kami yang paling gendut and kiut. tapi ajalnya sampai dah. iatah masa dorang menanam atu, hatiku sakit banar, sedih :"( sekali ku bawa meliat tv, ngam masa atu musim raja lawak si nabil dapat juaku bawa ketawa. i know, macam, environment masa atu seolah2 aku nada perasaan. entah, aku selalu pendam di hati. dorang si bibi sama si damit masa atu sekolah. aku pte masa atu balik sekolah awal dari dorang. kami rahsiakan sampai ani. ada pernah dorang merista banyak kali, "mana tia si nadin ani? lari kali". "rinduku si nadin". aku mendangar ani sebenarnya padih ulu hati. tapi kami diamkan diri saja. aku pun inda mampu cerita. yep, sampai ani dorang inda tau.
sekali tadiiiii :"""((( si muncui :"""( ya Allah. berapa taun sudah si muncui ani sama kami. balum batah ani, ia kamah. bulunya kamah. tapi kamahnya bagas macam kena simbah :'( pasal kami masa ani ada jiran baru. bukan kan buruk sangka, ganya... adatah tu. pastu kemarin ku gusuk2 ia. part atu alhamdulillah..at least aku ada membelai ia sebelum ajalnya. pasal batah sudah aku inda belai ia, bekurung saja dalam rumah. kemarin baru ku gusuk2 ia. atu yang ku kenang banar2. ngam tadi masa babah membagitau atu aku meliat cerita korea. macam hancur bah hatiku. tapi aku inda mau begarak. macam orang tuli. pasal, aku inda mau liat :'( sekali mamaku panggil. dulu masa si nadin, aku inda meliat ia his last day. kali tadi atu ku kuatkan saja hatiku. tapi makin tia ku parah, ani si muncui belumuran darahnya. :'( aku menahan sedihku, keluar jua air mata atu. paksa ku masuk rumah semula. bezanya dengan dulu, si damit masa ani ada di rumah, si bibi saja nada. iatah babu cakap arah kami jangan bagitau si bibi. dorang betangisan, aku sambung lagi koreaku. masani dorang betiduran sudah... masanitah aku tekenang balik... payah jua ah memelihara kucing ani. sakit dorang sakit jua diri.. kucing kami masani tinggal 3 tia.. si gapel, embun sama torres. mudah-mudahan Allah panjangkan umur dorang... amin
I smiled @ 04:33
Wednesday 4 May 2011 ♥ Lazybum.
Assalamualaikum.
Today kami exam arabic. Setelah penat revision di malam, papernya alhamdulillah :-) esok exam Mpu. Hu hu. Aku rasa malas mau baca.. Ani pun baru ku habis liat cerita 'the backup plan'. Indeed ceritanya lawaaaa! Pasal aku fikir ia bida wah, trailernya nda interesting. Cali~ he he aku suka. ;-)
okay, back to exam. Hmmh. Aku ani jenisnya ikut taste. Kalau macam paper yg lepas, tafsir sama arab atu memang aku mau baca. Ada desire atu. Mpu? Entah, aku nada perasaan. Enough said yg aku belajar bukan kan aim kedudukan. Ofcourse semua orang suka if dapat rezeki markah yg cool. Tapi bagiku yg masa semester lapas, atu my luck saja. Rezeki jua. But aku inda after stuffs cematu. Ada cakap if menurun beri malu. Hmm, to me, inda plg tu. Unless kalau orang atu terlampau mau markah tinggi turns out jadi menurun, maybe ia yang rasa malu. Tapi aku tetap inda kan ubah caraku belajar. :-) belajar yg ikut mood :-P iatah aku rasa bersalah kalau orang-orang tanya tipsku belajar. Like, aku cakap nada, aku main baca saja. Sometimes aku takut orang maybe kan cakap karit tips tapi cana jua. Endang nada :-/ last semester, arabic saja yang aku kecewa. Pasal yang keluar semua yang ada dalam buku, tapi aku langsung nda baca. Ofcourse lah frust pasal i know i can do better. Dapat A-. Bagiku atu markah kesian saja tu eh pasal ustaz ramzy bah pemurah. So aku nda rasa layak. Tapi pkpu ha ha. Aku dapat C, frust pun ku nda :-P aku expect lower lagi tu eh benarnya.
Tapi will still baca seimbas saja mpu ani. Asal ada info di otak, indakan inda berisi langsung. Mudah-mudahan saja Allah mempermudahkan dengan usahaku yg sedikit ani, amin.
I smiled @ 22:44
Monday 2 May 2011 ♥ Pain.
Assalamualaikum you.
2weeks ani kami exam. 2hb, 3hb, 4hb, 5hb, 7hb, 11hb and 12hb mei. Tadi kami exam english. Alhamdulillah, confusing lah jua, malas ku mau ingat. Mudah-mudahan saja lurus. Kami exam arah gym. Fuh, bukan main sajuknya. Kajar-kajar bah badan. Esok-esok mesti ku pakai jaket eh. Safety. He he.
Tengahari tadi, lunch kat kantin. Aku suka ni kantin baru ah. Roti specialnya nyaman. Aku pernah order yang roti special ayam. Sodap. Tadi aku order roti special cheese~ bebau jualah. Ha ha. Cheese kali ah. Baunya kuat. A bit disappointing. Should stick with roti ayam atu saja. Oh btw, aku uzur masani :-( start uzur tadi 12lalu. Maybe masa di kantin kali dah. Mandi tah ku tarus. Then tidur jap. Malam dapatku baca tafsir exam esok. Ani baru bangun dari tidur, atupun pasal kesakitan. First day ani ku nda tahan ni... Sakit banar :-( hope karang aku okay hu hu.
I smiled @ 16:14
Sunday 17 April 2011 ♥ goosebumps.
assalamualaikum. hai you.
okay hari ani hari ahad. macam biasa, aku inda suka balik ke hostel malam-malam. so aku balik esuk pagi saja. pasalnya ia buat aku sedih. not really sure apa, yang penting, aku hilang mood everytime kalau balik hari ahad. so, masani aku sedang meliat cerita arah Diva channel 702. ceritanya "The Watch". okay, shitbrix jualah ceritanya ah. and ironinya jua is i am all alone awal ani :3 babu and babah baru saja keluar ngambil si damit balik kerja di soon lee. so this movie, macam... ish. horror lah typenya. kambang buluku. :s blogging ni pun membawa rasa saja. hehe okay. bye bye. and aku belum baca Ahkam. karangtah bekakas :]
I smiled @ 21:53
Friday 15 April 2011 ♥ friday the 15th.
alhamdulillah, pagi yang indah :) mana inda, terbangun oleh my phone, msg from baby boy ku. it says,
"Aslm syg..how r u? Sihat? Being active masih? Active2 jua p jaga kesihatan k..buat apa yg termampu jgn paksa diri a. Love u always =)"
woah~ thank you sayang. batah sudah kami inda contact, rasa macam aku makin dilamun cinta lagi he he (endang setiap masa jua bah :p). so pagi tadi aku jalan with zati and ili ambil aku dari kupu. kami yang outing ani Hanan, Qibah and kami 3. yang lain inda belaku. so our plan is actually kan menyepraiskan cik Qibah kite yang nak birthday 21april. advance lah tu ah. ke ke ke. alhamdulillah it went well, menjadi jua :D. sekali, unexpected, Qibah yang bayarkan :'). padahal $50plus tu ah. kami makan di cheezbox. terharu ku pulang jua, kesian jua ku kan Qibah. but since ia insist, aku anggap atu rezeki. syukran jazilan Qibah :] happy advance birthday!
okay. balik dari sana, zati hantar kan aku ke kupu balik. so aku macam mengantuk, ku bawa tidur. tapi terbangun dalam 1.30pm, so macam ingaulah jua, pasal petangnya (which masa atu belum lagi fix pukul berapa) kami kan berkumpul projek haji. then, tikah bagitaukan after dorang rehearsal BSM, kami ke sana terus. so it was around 4++ pm. pokoknya... aku jadi lowbat sudah. masani aku rasa overwhelm with everything. projek haji kami ni macam... idk what to say. aku almost surrender masani. rasa macam inda mau buat :( indaku faham ni Haji ah. tadi cigu Pg Yusran tolong terangkan sudah, aku inda dapat fokus. biji mataku kenyat2. i can feel it. ku bawa minum Red Bull. macam nada efek jua. finished meeting dalam 6++pm. karang lagi kami buat kerja di dewan 8.30pm. hopefully semuanya smooth.
YANG PENTINGNYA AKU OVERWHELM AT THE MOMENT. AKU MAU HOLIDAY. :'(((
hmm. masa ani aku tinggal di block B alone. dorang yang lain pegi JP... siuk eh :-| tapikan ironicnya, kalau aku fikirkan, kan aku sama aji jarang contact (tapi cinta inda pudar, sentiasa menaik ;p he he), msgnya tadi atu kirakan unpredictable. tapi macam ngam bah dengan apa yg ku hadapi masani. okay, maksudku. well, aku sendiri inda sangka petang ani aku feel this ngaleh. but aku receive msg from ia tadi pagi something ia nasihatkan pasal "jangan paksa diri" thingy. ertinya macam, ia di sana macam dapat feel aku di sini. like, telepathy. aku inda cakap apa pun arahnya. not even arah facebook. apa nya orang, firasat? connection hati? :') ohmaigad, i miss you boy. you're the only best friend i ever had. benar tah nya orang. dua jiwa satu hati. i love you. can't wait for you to come back home!
toodles.
I smiled @ 18:50
Tuesday 5 April 2011 ♥ some news.
something's happening, or about to happen, or not to happen at all... apa yang ku mampu cakap ganya, apa yang Allah rasa terbaik, atutah yang terbaik untukku. pasrah dan beriman kepada qada dan qadarNya. wallahua'lam.
I smiled @ 15:03